A Unidade de Coidados Intensivos de Anestesia (Reanimación) é unha unidade de coidados intensivos para pacientes cuxas funcións vitais estean comprometidas de forma grave e potencialmente reversible, ata que a situación de risco vital sexa superada.

Actualmente contamos cunha Unidade de 18 camas atendida por anestesiólogos de presenza física continuada (24 h x 7 días semanais), sen limitación de estancia por tempo nin complexidade. Dispón de plena capacidade diagnóstica e terapéutica, e o destino maioritario ao alta é a planta de hospitalización.