A área Asistencial de Pediatría busca responder de forma coordinada e integral ás máximas esixencias asistenciais no contexto da pediatría, organizándose de acordo á epidemioloxía, a demanda e as necesidades específicas do enfermo e aportando os mellores medios dispoñibles así como os futuros ou en avaliación procedentes da investigación clínica traslacional, conxugando a excelencia e calidade clínica asistencial coa excelencia docente e investigadora, cumprindo ademais cos obxectivos da estratexia SERGAS 2020. Pódese ampliar toda a información na web www.serviciodepediatriasantiago.es

No Servizo de Pediatría, damos asistencia a todos os doentes pediátricos que á marxe da súa procedencia ou motivo de asistencia médica, desexen ser atendidos no noso centro, ben para a súa asistencia exclusiva polo noso equipo ou compartida en colaboración con outros servizos.