A Anestesioloxía e Reanimación é unha especialidade médica que ten coma obxectivos o estudo, docencia, investigación e aplicación clínica de:
Métodos e técnicas para facer insensible á dor e protexer ao paciente da agresión antes, durante e despois de calquera intervención.
Mante-las funcións vitais en calquera das condicións citadas, e en pacientes doadores de órganos.
Tratar ás persoas cuxas funcións vitais estean comprometidas de forma grave e potencialmente reversible, ata que a situación de risco vital sexa superada.
Tratamento da dor, tanto aguda coma crónica.
Unidades funcionais:
Consulta preanestésica.
Anestesia en quirófano e en unidades especiais.
Unidade de recuperación postanestésica.
Unidade de Reanimación.
Unidade da dor.