A Misión do Servizo do Cirurxía Ortopédica e Traumatoloxía da XXI de Santiago de Compostela é promover a excelencia na prestación de servizos de saúde no ámbito da especialidade aos cidadáns que a requiran, mediante unha asistencia integral equitativa, de calidade científico-técnica, eficiente e sustentable, baseada nos principios de calidade total, con reevaluación e mellora continua, e que centrada no usuario facilite a continuidade asistencial garantindo os seus dereitos e deberes.
A Visión de futuro do Servizo de Cirurxía Ortopédica e Traumatoloxía da XXI de Santiago de Compostela é ser referente de calidade asistencial nos niveis rexional, autonómico e nacional, a partir da implantación continuada e progresiva de elementos de mellora en todos os ámbitos da prestación de servizos de saúde que lle son propios, así como ser referente neses mesmos niveis de calidade investigadora e docente.
Os Valores que inspiran a actividade do Servizo de Cirurxía Ortopédica e Traumatoloxía da XXI de Santiago de Compostela son o recoñecemento do cidadán como principal protagonista e beneficiario da calidade asistencial, e dos criterios de calidade do Servizo Galego de Saúde como as bases para conseguilo. A equidade, o trato personalizado e próximo, a calidade científico-técnica da asistencia mediante o traballo en equipo orientado a resultados, o valor da profesionalidade, o compromiso e a ética, a actitude innovadora e a eficiencia na xestión dos recursos e o desexo e procura da mellora continua, son os valores orientados a xerar a confianza da cidadanía e das institucións no Servizo.